((( تمنيـــــ الســـهـــر )))

(مــــــــدخل)

أعتبـــــــــــــرني شـــــخص عابر إنتــــهاء دوره ومات
إنتــــــــــــهى دور البـــــــــطوله والبــطل دايم يموت

الأكيد إنك خـــــــــــسرتي والندم عقــــــب الفــوات
مايرجع شـــــــــــئ فايـــــــــــت والفرص دايم تفوت

إهـــــــــــــــــــــــــــــــداء خاص

تمنــــــــــيت الســـــهر يفهم شــعـوري دامني وياه
تـــــــــــــخاوينا على درب الهلاك وســـــــكة الأخطار

وتمنيــــــــــت الســـــهر يفهم مرادي دامني بحماه
تعـــــــــــــودنا على ذاك المـــــــــكان وموتت الأنوار

أضم اللــــــيل بكفوفي يقــــــــــــبل جبهتي بشفاه
وأجيـــــــــــــه بموتت الدفتر وأجمَع باقي الأشــــعار

وليلي يرخي ســـــــــــدوله ويتبـــــعني بثقل إخطاه
تحـــــــــــــملته وأنا فـــــــي خوته صابر على الاقدار

صديقي يارفيق الدرب ياليلي عجــــــــــزت أنســــاه
وأنا ماأقدر على الفرقاوأنا ماأصـــــــــبر على التذكار

ألاء ياليـــــــــل خبرها عن إللي في الحـــشاء يصلاه
انا مســــــــــلم ولد مســــــــلم ولاني كافر(ن) لنار

تشــــــــــــــب النارفي ضلوعي وتتركني لجرح الآه
وتشقيــــــــــــني تحسب إني على نار الهوى صبَار

وأنا أحرق مابقا ءفيني من إحســاسي لكسب إرضاه
وأنا لو بحرق إحـــــــــــساسه ترى غيره حرقت إكثار

أنا أقدر لو بغيـــــــــــــت أقسى أطيح دمعته وأجفاه
صحــــــــــــيح أني وفي دايم ولكن في الأصل غدار

حــــــــــــنون وخافقي دافي ولكن لاقسى ماأقساه
صـــــــــــدوق وصافي النيه وعـقلي من عقول إكبار

كبير(ن) في العـــــــــــطا دايم وكفي مابخل في مآه
ولاعمـــــــــــــره نزل قدري ليا شفت العقول إصغار

وكم واحد تمـــــــــــــنى القلب ودونه حاجز(ن) ينهاه
وقلبــــــــــي ماهو بفــــــــــــندق يدور خطوة الزوار

ثمان إســــــنين في قلبي وتسكن في ظلال أعضاه
مع أورود الربــــــــــــيع إللي بقلبي تشـــــهد الأنهار

سكــــــــــــــنتي يوم سكنتك وصرتي مشربه وغذاه
صغــــــــــــــيره ثم كـــــــــبرتك وكنتي بخانة الاصفار

تكبـــــــــــرتي على قلبي جحدت المـــاضي وذكراه
ولكن أســـــــــــــــمع إعــــلومي ولا تزعل ولا تحتار

تعــــــــــــــــلم قلبي من قلبك مع الايام كيف أعصاه
أنا من باعني بعته بعـــــــــــــشر إقروش أو ديـــــنار

(مخـــــــــرج)

أنا ماأجرح إحســــــــــــــــاسك ولو أعطى ملاييني
ولاعمري جرحت إنــــــــــسان ولو جرحي أنا خافي

أعامل كل هالعالم بطـــــــــــــــــــيبة قلب تكفيني
وقلبي صفحتـ(ن) بيــــــــــضاء وقلبي حبه الضافي

وكم غيرك محيته من حياتي وأغســــــــــل إيديني
وأطشه مع رياح الصيف ويرحل رحلة الســـــــــافي

ولا أرجع لو بعالي الصوت يتبعـــــــــــــني ويدعيني
لأني ماأكرر غلطتي وأرضى بالأنصــــــــــــــــــافي

شعــــــــ محمــــــــــدالمرشدي ــــــــــــــــــر

بعـــــــــــــــــــــ الشوح ــــــــــــــــــــــــــــــيد